Fóm ísur aftur gerast í Føroyum

Fóm Ísurin kemur nú aftur á føroyskar hendur. MBM hevur gjørt eina avtalu við Damfar, sum eigur Fóm Ís um, at ísurin í framtíðini aftur skal gerast í Føryoum. Tað sigur Tony Weyhe, stjóri í MBM. Og í næsta mánað roknar stjórin við, at MBM kemur á marknaðin við einum nýggjum osti. Hetta er eisini er nakað, sum kann flytast út, millum annað til Grønlands.

Tað er Damfar, sum eigur Fóm Ís, og hann hevur seinastu árini verið gjørdur í Íslandi, men nú er mann í holt við at flyta framleiðsluna heimaftur. Tað fer ikki at síggjast so væl aftur í framleiðsluni, tí tað skal ikki so nógv mjólk til, tá mann ger ís, men tað ger osturin, har eisini nakað nýtt er á veg frá MBM, sigur Tony Weyhe.
 

Framleiðslan av osti hevur verið í gongd í langa tíð, men nú verður roynt at gera fleiri sløg, sigur stjórin í MBM.
 

Framleiðslan av osti krevur nógv, viðgongur hann, men tað gevur nakrar áhugaverdar møguleikar eitt nú í samband við Grønland, sigur Tony Weyhe.