52 ferðamannaskip á Havnina í summar

52 ferðamannaskip koma á Havnina í summar, og nøkur teirra koma fleiri ferðir í ár, vísir yvirlit frá Tórshavnar havn.

Fyrsta ferðamannaskipið kemur á Havnina týsdagin 5. mai og fer avstað aftur sama dag. Tilsamans átta skip koma á Havnina í mai.

Í juni koma 10 ferðamannaskip, og í juli eisini 10 skip.

Í august koma 18 ferðamannaskip og seks í september. Seinasta ferðamannaskipið, sum kemur á Havnina ár, er Spitsbergen hjá reiðarínum Hurtigruten. Tað kemur 29. september og fer avstað dagin eftir.

Ferðamannaskipini kunnu tilsamans taka 28.505 ferðafólk, men Tórshavnar havn væntar umleið 25.000 ferðafólk og manningar, sum telja tilsamans 12.000 fólk.