Nú eru fleiri enn 3.200 elbilar í Føroyum

Nógvir elbilar komu aftrat í fjør, sigur SEV.

Sambært Akstovuni vóru teir 562.

Skrásettir elbilar vóru 2.605 1. januar 2025 og 3.167 1. januar í ár.

1. apríl vóru 3.231 elbilar í Føroyum, 7,5 prosent av teimum 42.774 akførunum, sum tá vóru skrásett.

604 nýggjar løðistøðir

Í 2025 setti SEV upp 604 nýggjar løðingarstøðir til bilar.

Haraftat vóru 252 støðir skiftar út, tí tær vóru slitnar, gamlar ella í ólagi.

Við árslok 2025 vóru 55 sólorkuverk knýtt í netið í SEV. 

Nýggjar avrokningartreytir

Fyri at fáa gongd á sólorkuna, hevur SEV saman við Elveitingareftirlitinum samskift við Vinnuhúsið um nýggjar avrokningartreytir fyri sólorkuverk, sum eru størri enn 11 kilowatt. 

Myndugleikin hevur góðkent nýggja prísskipan, sum kom í gildi 15. februar í ár, sigur SEV.