Ráðgevarafelagið er ovfarið av fíggjarnevndini

Tað kom púra óvart á ráðgevara- og byggivinnuna, tá Kringvarpið í morgun bar tíðindini úr fíggjarnevndini hjá Løgtinginum um, at føroyska byggivinnan ikki er áhugað  at fyrireika og byggja eitt sjúklingahotell í Keypmannahavn.

Tað sigur Árni Jakobsen, formaður í Rágevarafelagnum.

Løgtingið fer á fundinum fríggjadagin at hava 2. viðgerð av málinum um at útvega nýggjan bygning til Sjúklingahotellið í Keypmannahavn, og tað er í álitinum, at fíggjarnevndin hevur skrivað hetta brotið: 

"Undir 1. viðgerð av málinum var møguleikin nevndur at lata føroyska byggivinnu sleppa við í verkætlanina. Og undir viðgerðini í nevndini hevur møguleikin eisini verið umrøddur at byggja eitt sjúklingahotell, sum føroyingar eiga og ikki leiga. Tó tykist áhugin fyri eini slíkari loysn ikki at vera stórur, hvørki hjá føroyska myndugleikanum og ei heldur hjá føroysku byggivinnuni."

Les álitið frá fíggjarnevndini her.

Árni Jakobsen

Men tað er bara ikki rætt, sigur formaðurin í Ráðgevarafelagnum, og tað er beinleiðis óheppið fyri vinnuna, sigur hann.

Formaðurin í Ráðgevarafelagnum harmast, at fíggjarnevndin skrivar, sum hon ger, serliga um nevndin ikki hevur samskift við vinnuna sjálva, tí slíkar uppgávur kunnu hava sera stóran týdning fyri ráðgevara- og byggivinnuna.

Hoyr innslag í útvarpstíðindunum: