Sjóvinnustýrið tekur avgerðina hjá ákæruvaldinum til eftirtektar

- Vit taka niðurstøðuna hjá ákæruvaldinum til eftirtektar.

Tað sigur Hans Johannes á Brúgv, stjóri í Sjóvinnustýrinum, nú ákæruvaldið hevur slept skuldsetingini móti skiparanum á Galaxy fyri at hava siglt við opnum hekkuportri á víðum havi.

Ákæruvaldið metir seg ikki kunna prógva, at portrið var opið við fráferð, sigur Katrin Thorsvig-Hansen, høvuðsákæri.

Sjóvinnustýrið meldaði annars málið til løgregluna í oktober í fjør við umbøn um, at løgreglan kannaði møgulig brot á reglur, sum Sjóvinnustýrið umsitur.

- Tað liggur ikki í kortunum at kæra avgerðina, ella melda av nýggjum, sigur Hans Johannes á Brúgv, stjóri í Sjóvinnustýrinum:

Sí eisini: Ákæruvaldið hevur slept málinum um Galaxy