Gott úrslit hjá Mowi í fjør

Føroyski parturin av risastóra norska alisamtakinum Mowi hevði eitt gott ár í fjør. Tøkan var útvið 15.000 tons, sum er tað mesta nakrantíð, og 120 milliónir krónur vóru í avlopi eftir skatt. Mowi í Føroyum rindaði stívliga 31 milliónir krónur í tøkugjaldi í 2025, og partafelagsskatturin verður uppá tilsamans 43 milliónir krónur.

Mowi í Føroyum hevur trý aliøki, og tað er í minna lagi, sigur Hans Jákup Mikkelsen, stjóri. Fyritøkan vil fegin hava fýra loyvi fyri at tryggja størri stabilitet í rakstrinum.