Ferðslutrygd kostar 15 milliónir

Tað er mett at kosta 15 mió. kr. at gera vegin við Streymin ferðslutryggan.

Tá fer vegurin frá Norðskála undir høvuðsvegin.

Tað sigur Jacob Vestergaard, landsstýrismaður, í svari til Bill Justinussen, løgtingmann.

Landsstýrismaðurin sigur, at arbeitt hevur verið við einari loysn síðani 2007.

Tá játtaði løgtingið pengar til at kanna, hvussu vegurin frá Norðskála kundi fara undir høvuðsvegin til Oyrarbakka. 

Arbeiðið varð boðið út. Tilboðið var 4,2 mió. kr.

Men løgtingið játtaði ikki nóg nógvar pengar til at gera arbeiðið.

Loysnin við ferðsluljósum kostar fimm milliónir krónur, sigur Jacob Vestergaard.