Kringvarpið fer í summartíð

Summarið er komið, og Kringvarpið sendir beinleiðis í bæði útvarpi og sjónvarpi. Alt tilfarið verður eisini tøkt á kvf.fo, so tú kanst lurta og hyggja, tá tað passar tær best.   

Frískar røddir og kendir vertir í summarskránni  

Í útvarpinum verður summarið merkt av løttum og hugnaligum sendingum við práti, gestum og tónleiki. Tú kanst gleða teg til eitt frískt íkast av nýggjum røddum, sum bera eitt summarligt lot við sær. Millum annað er kappróðrarkjaksending “Millum tøkini” við Ludvík við Stein aftur at hoyra í ár, har vit longu nú hava hoyrt um fyrireikingarnar til Norðoyarstevnuna, sum verður um vikuskiftið.  

Kappróður

Frítekst tagging: 

kappróður

Norðoyarstevnan verður 90 ár og Gunnar Nolsøe verður á staðnum við einari beinleiðis sending.  

 Eisini verða afturvendandi sendingar sum “Nert ikki við” og hugnaligu tónleikasendingina “Sangir úr mínum lívi”, har skiftandi gestir velja og greiða frá sínum tónleikavalum. 

Góðan morgun Føroyar heldur fram alt summarið, men fær ein lættari dám við skiftandi vertum og eitur nú Summarmorgun. Eisini her verður pláss fyri kappingum og summarligum evnum. 

Radio Stjernekilde, Johan í Kollafirði

Summartónar í útvarpinum  

Í útvarpinum er nógvur tónleikur. Vit leggja dent á festivaltónleik, nýggjar útgávur og summarhitt, sum seta dám á longu kvøldini.  

Á skránni eru tónleikarøðir, eitt nú nýggj røð um Johnny Cash og nógv gott frá Jóhan í Kollafirði í Radio Stjernekilde. 

Tú hevur eisini møguleikan at seta tín dám á tónleikin í útvarpinum. Hevur tú ein playlista við 15-20 sangum, sum tú ert serliga glað/-ur fyri, so kanst tú senda hann inn til: kurator@kvf.fo. Harvið ert tú í umbúna at gerast kurator í útvarpinum.

Ikki alt fer í dvala  

Nakrar av best umtóktu sendingunum halda fram sum vant. Tit skriva vit spæla (TSVS) heldur fram at spæla lurtaraynskir. Tórður Mikkelsen heldur fram við at reika runt við Tórði á túri, og Kvørnin er als ikki liðug at ummæla góðan føroyskan tónleik. Vikuskiftið bjóðar eina avslappaða og viðkomandi samanrenning av tónleiki, gestum og samrøðum um, hvat rør seg um vikuskiftið.  

Hetta eru sendingar, sum hava funnið sítt fasta pláss hjá lurtarum – og verða verandi á skránni juni mánað út. 

Kurator, ljóðpultur, Kringvarp Føroya, Kringvarpið, mynd: Bjarni

Frítekst tagging: 

Kurator

ljóðpultur

Kringvarp Føroya

kringvarpið

mynd: Bjarni

starv í kringvarpinum

(Mynd: Bjarni Árting Rubeksen) Á summarskránni koma eisini nýggjar røðir og beinleiðis seinnapartssending, sum lurtarin kann gleða seg til.  

Dagur og vika fer niður í ferð, og týsdagsgekkur er aftur  

Dagur og vika og Gekkurin skifta til summartíð eftir viku 26. Frá 30 juni. verður Dagur og vika send týs- og fríggjakvøld, og Gekkurin verður fluttur til týskvøld beint eftir Dag og viku. Í sama tíðarskeiði fer 3-2 í summarsteðg og er aftur í september. 

Eisini verður nógv spennandi sent beinleiðis í sjónvarpinum. Vit senda frá landsdystum í fótbólti, kappróðri kring landið og sjálvandi eisini frá teimum størstu løtunum á ólavsøku. Tú kanst gleða teg til at síggja skrúðgonguna, gudstænastuna, løgmansrøðuna og alla ta hátíðarligu skránna, sum hoyrir ólavsøkuni til.