Felag í Borg-samtakinum ætlar at yvirtaka Sandavágs timburhandil

Kappingareftirlitið hevur fingið fráboðan um, at Borg-samtakið ætlar at yvirtaka Sandavágs timburhandil.

Tað skal gerast soleiðis, at Dirvi, sum er felag í Borg-samtakinum, yvirtekur partapeningin í Sandavágs timburhandli.

Og Kovin, sum eigur Sandavágs timburhandil, selur allan felagskapitalin í Sandavágs timburhandli til Dirvi.

Partarnir meta, at kappingin millum Borg og Sandsvágs timburhandil hevur verið og er avmarkað.

Og hon broytist ikki, hóast handlarnir leggja saman.

Møguligar viðmerkingar um yvirtøkuna skulu vera hjá Kappingareftirlitinum í seinasta lagi 17. juni.