Umboðsmannatingið samtykt at taka hermenn úr Iran-krígnum

Amerikanska umboðsmannatingið hevur samtykt at taka amerikanskar herdeildir úr Iran-krígnum. Samtyktin er fyrst og fremst symbolsk.

Tað er fyrstu ferð, at undirhúsið í amerikonsku kongressini hevur samtykt at enda kríggið, og samtyktin í gjár rakar Donald Trump, forseta, meint, skrivar AFP. Fýra republikansk umboð fóru í part við demokratunum, og tryggjaðu sostatt meiriluta fyri uppskotinum.

Samtyktin er kortini fyrst og fremst symbolsk, tí forsetin kann sjálvur nýta sýtingarrætt sín móti henni, um málið eisini fær meiriluta í senatinum.

Trump og USA fóru í kríggj móti Iran síðst í februar. 

Hóast vápnahvíld og forsetin hevur vissað um, at ein friðaravtala er eygsjón, er eingin avtala gjørd higartil um at enda kríggið.