Fleiri bygningar fáa sólorku

Tórshavnar kommuna skal brúka 5,2 mió. kr. til sólorku.

Tað samtykti býráðið í gjár.

Átta bygningar hjá kommununi skulu hava sólorkuskipan í hesum umfarinum.

Dagstovnurin Sólareyga, dagstovnurin á Velbastað og skúlin í Nólsoy brúka longu sólorku, men skulu hava størri sólorkuskipan.

Hini, sum nú fáa sólorku, eru Látrið í Nólsoy, Margarinfabrikkin, dagstovnurin í Øksnagerði, býlingshúsið á Ternuryggi og fimleikahøllin í Kollafjarðar skúla.