30.400 fólk til arbeiðis - 450 fleiri enn í fjør

Framvegis eru fleiri menn enn kvinnur í tí, sum Hagstovan kallar "starvsfólkaskarin í Føroyum."

Í mai vóru 15.450 menn og 14.900 kvinnur í starvsfólkaskaranum.

Tey vóru 290 fleiri menn, 1,9 prosent, og 160 fleiri kvinnur, 1,1 prosent, enn í mai í fjør.

Starvsfólkatalið veksur framvegis, men seinastu árini er vøksturin viknaður, skrivar Hagstovan. 

Stórar kommunur hava størsta vøksturin.

Havnin 45 prosent av vøkstrinum 

Tórshavnar kommuna átti okkurt um 45 prosent av starvsfólkavøkstrinum, tá samanborið verður við sama mánað í fjør. 

Harumframt er talið serliga vaksið í Klaksvíkar kommunu, Eysturkommunu og í Runavíkar kommunu. 

Lutfalsliga var vøksturin tó størstur í Hovs kommunu, 25 prosent. 

Samanborið við mai í fjør er starvsfólkatalið minkað í níggju kommunum, mest í Kvívíkar kommunu.

Í starvsfólkaskaranum eru fólk, 13 ár ella eldri, sum búgva í Føroyum og fáa A-skattaða løn, svarandi til fýra tímar um mánaðin ella meira.