Flogbóltskvinnurnar til Andorra eftir styrkisstigum

Føroyar teljast millum sterkaru londini í SCA-kappingini í Andorra næsta vikuskiftið.

Føroysku kvinnurnar eru komnar í innleiðandi bólk saman við Andorra og Írlandi, og í hinum bólkinum spæla Skotland, San Marino, Malta og Liktinstein.

Báðir bólkadystirnir hjá Føroyum verða leygardagin. Fyrrapartin er Írland mótstøðulið, og seinnapartin bíðar Andorra.

Hálvfinalur, finala og aðrir plaseringsdystir verða sunnudagin.

Flogbóltssambandið skrivar, at Føroyar teljast millum favorittarnar í kappingini, og farið verður eftir at vinna so nógvar dystir sum gjørligt, fyri at vinna sær styrkisstig til heimsstyrkislistan.

Hetta sama var málið hjá flogbóltsmonnunum, sum fyri kortum vunnu líknandi kapping í Norðurírlandi.

LES EISINI: Føroysku flogbóltsmenninir vunnu kappingina

Føroyski hópurin:

Janna Falkvard
Rebekka Osberg Højsted
Osla Johannesen
Ingibjørg S. Müller
Anja Danielsen
Henrikka Jacobsen
Eva Gunn Niclasen
Sirið Samson
Sesilia Prior
Maria Teresea Vitalis
Jakobina Joensen
Kristina Knudsen

Venjari: Marjan Nikolic