Framvegis ómissandi fyri Føroyar

Betri banki og Føroya banki eru framvegis SIFI bankar.

Tí boðar Fíggjareftirlitið frá.

Fíggjareftirlitið metir hvørt ár, um føroysku bankarnir eru SIFI stovnar.

Javnvágin hjá Betri banka í fjør samsvaraði við 49 prosent av bruttotjóðarúrtøkuni.

Hjá Føroya banka var hon 53,4 prosent.

Útlánini hjá Betri banka vóru 44,2 prosent av útlánunum hjá føroysku peningastovnunum í fjør, og innlánini vóru 44,4 prosent. 

Hjá Føroya banka eru tølini ávikavist 41,6 og 39,8 prosent.

SIFI stendur fyri Systemically Important Financial Institution.

SIFI peningastovnar eru undir strangari eftirliti enn aðrir peningastovnar. 

SIFI peningastovnar eru mettir at hava so stóran týdning fyri samfelagið, at teir ikki sleppa at fara av knóranum.