Sviin farin av landinum

Í morgun fór sviin, sum var tikin fyri einari viku síðani, av landinum.

Politiið í Føroyum fór við honum. Og í Kastrup tekur svenska politiið við.

Maðurin er útflýggjaður til Svøríkis.

Hann var eftirlýstur í Svøríki fyri persónsvandamikið brotsverk.

Tað skal vera hent í mai.

Revsiramman er minst sjey ár.

Maðurin var varðhaldsfongslaður í sjey dagar, meðan bíðað var eftir áheitan úr Svøríki um útflýgging.

Maðurin kom til Føroya at vitja onkran, hann kennir her, sigur politiið.

Maðurin, sum var í Føroyum í minni enn eina viku, er síðst í tríatiárunum.