Íbúðarbyggingin í Runavík seinkað

Fyri einum góðum ári síðan yvirtók Jóan Petur Vang, byggimeistari, felagið, sum skal byggja 45 eigaraíbúðir í tveimum lonum á havnarlagnum í Runavík, og tá var roknað við, at fyrstu íbúðirnar kundu latast eigarunum í heyst.

Jóan Petur Vang

Tað verður tó ikki, tí ymiskar umstøður seinka byggingini, m.a. avbjóðingar við sjálvari staðsetingini.

Eisini hevur gingið striltið at fáa alt tilfarið, tá tað skal brúkast.

Trot á arbeiðsmegi

18 fólk arbeiða fast í byggifyritøkuni hjá Jóan Peturi Vang, 10 føroyingar og átta útlendingar, og vanliga verða einir 10 útlendingar leigaðir inn til ymiskar byggi- og málarauppgávur, alt eftir tørvi. 

Lív og íbúðarbygging á Argjum, íbúðir á Argjum

Trot er á arbeiðsmegi, men um ein mánað verður liðugt at smíða íbúðirnar, sum LÍV letur byggja á Argjum, og tá verður ferð sett á í Runavík. 

Jóan Petur Vang yvirtók beint fyri jól í fjør eina uppaftur størri byggiverkætlan í Leitinum í Runavík. Hon umfatar 130 - 150 leiguíbúðir, umframt at rúm skal vera fyri dagstovni.

Í Leitinum í Runavík, íbúðir í Leitinum í Runavík

Eftir ætlan skuldi farast undir hetta byggiarbeiðið, tá íbúðarbyggingin á havnarlagnum var liðug, men seinkingin har ger, at byggingin í Leitinum eisini verður seinkað.

Hoyr innslag í útvarpstíðindunum: 

Tryggingarfelagið LÍV hevur longu keypt tær fyrstu 18 íbúðirnar á havnarlagnum í Runavík, og hinar 27 verða settar til sølu í august ella september.