Venesuela: Talið á deyðum farið upp um 1700

Myndugleikarnir í Venezuela boða frá, at talið á deyðum eftir jarðskjálvtarnar nú er 1.719 fólk. Talið á løstaðum er 5.034, og 15.866 eru heimleys.

Formaðurin í tjóðartinginum í Venesuela, Jorge Rodriguez, kunngjørdi í gjár nýggju tølini.

Tveir jarðskjálvtar raktu Venesuela mikukvøldið í síðstu viku. Teir vóru mettir til 7,2 og 7,5. Tað eru harðastu jarðskjálvtar í landinum síðani 1900.

Sambært eini heimasíðu fyri eftirlýst fólk, sum privatfólk hava stovnað, eru meira enn 70.000 fólk eru ikki komin afturíaftur.

Fleiri útlendsk bjargingarlið komu til Venesuela í gjár, og vón er framvegis um at finna fólk á lívi, hóast møguleikarnir eru sera smáir, skrivar NTB.