- Tíðindi, mentan og ítróttur
Fiskamarknaðurin lækkar gjøldini
Fiskamarknaðurin lækkar gjøldini
Inntøkurnar hjá Fiskamarknaðinum hava verið nøktandi, og endamálið hevur ongantíð verið at tjena pengar, sigur Høgni Hansen, stjóri
Lógin sigur, at 30 prosent av fiskinum, sum er fiskaður undir Føroyum og við Ísland, skal um uppboðssølu.
01.07.2026 - 08:29
Fiskamarknaður Føroya hevur gjørt av at lækka gjøldini hjá keypara og seljara úr 0,75 prosentum niður í 0,5 prosent.
Tað verður gjørt, tí at inntøkurnar hava verið nøktandi, sigur Høgni Hansen, stjóri á Fiskamarknaðinum.
Høgni Hansen.
Hann sigur, at endamálið hevur ongantíð verið at tjena pengar. Í 2024 var úrslitið hjá Fiskamarknaðinum 2,5 milliónir krónur, og tøki peningurin var 28 milliónir krónur. Roknskapurin fyri 2025 er ikki tøkur enn.
Lógin sigur, at 30 prosent av fiskinum, sum er fiskaður undir Føroyum og við Ísland, skal um uppboðssølu. Hetta er galdandi fyri tosk, hýsu, longu, brosmu, havtasku og svartkalva.
Hoyr innslag í útvarpstíðindunum:
01072026_Fiskamarknadur
Er kopiera
Nýggjastu sendingar í ÚV
Nýggjastu sendingar í SV
