Noomi forkvinna í farsóttarnevndini

Landsstýrið hevur endurvalt tey trý fólkini, sum landsstýrið velur í farsóttarnevndina.

Tey eru Bjørgfríð Ludvig, aðalstjóri í Heilsu- og Orkumálaráðnum, Gunnvá Guttesen, varastjóri í Sjúkrahúsverkinum, og Eyðun Christiansen, stjóri í Kommunufelagnum.

Fastir limir í nevndini eru Michael Boolsen, fúti, Lars Fodgaard Møller, landslækni, Noomi Gregersen, stjóri í Heilsustýrinum, Birna Mørkøre, landsdjóralækni, Eyðun Mørkøre, stjóri í TAKS, og Bárður Enni, stjóri á Heilsufrøðiligu starvsstovuni.

Nevndin hevur skipað seg við Noomi O. Gregersen, stjóra í Heilsustýrinum, sum forkvinnu.

Farsóttarnevndin ráðgevur og vegleiðir um, hvussu vandamiklar og samfelagskritiskar sjúkur skulu handfarast.

Farsóttarøkið var yvirtikið 1. januar 2024.