Vænta 100 milliónir ferðafólk í Spania í ár

Ferðavinnan í Spania  fer væntandi aftur at seta met í ár. 

Jordi Hereu, ráðharri í ferðavinnumálum, sigur, at væntandi fara 100 milliónir ferðafólk at koma til Spania í hesum árinum.

Tað sigur hann við tíðindastovuna Reuters.

Í fjør setti ferðavinnan í Spania eisini met við umleið 97 milliónum útlendskum ferðafólkum. 

Tað fekk nógvar spaniólar at mótmæla, serliga í Barcelona og á frítíðaroynni Mallorka. 

49 milliónir fólk búgva í Spania, men í ár er líkt til, at tvær ferðir so nógv útlendsk ferðafólk sum íbúgvar fara at vitja Spania.