427 vilja sleppa at lesa á Fróðskaparsetrinum

11,5 prosent fleiri enn í fjør hava søkt um at sleppa á Fróðskaparsetrið.

427 umsóknir komu. Tær vóru 383 í fjør.

345 hava søkt um bachelorpláss, 77 um masterpláss, og fimm hava søkt um útbúgvingarpláss í hjánámi. 

427 er tó ikki størsta talið higartil. Í 2021 søktu 456 um at sleppa á Setrið.

Miðalaldurin farin niður um 30 ár

Miðalaldurin á umsøkjarunum er í ár farin niður um tey 30. 

Miðalaldurin var 30,2 ár í 2025. 

Kynsbýtið er tað sama sum í fjør. Umsøkjarnir eru 68 prosent kvinnur og 32 prosent menn. 

Umsøkjararnir fáa svar fríggjadagin, og skulu svara fyri 1. august, um tey taka av.