Ætlar at endurskapa sigið í Nýggjabergi

- Tað var pápi sum segði mær, hvussu teir plagdu at síga niður í Nýggjaberg, men akkurat hvussu teir gjørdu, hevur altíð undra meg síðan, sigur Jens Jákup.

Sigið er eitt sindur sermerkt, tí í staði fyri at man verður loraður niður, setur ein seg í stólin og sjálvur sígur niður. Hetta hevur undrað Jens Jákup, hvussu man hevur gjørt.

- Eg haldi meg hava loyst gátuna, sigur Jens Jákup.

Hann sá ein dokumentar, tá ið teir reinsaðu stóru klokkuna í London, Big Ben. Har brúktu teir ein sermerktan knút, fyri sjálvir at kunna lora seg niður. Hesin knútur var eisini brúktur umborð á seglskipið fyrr í tíðini.

- Entá James Bond brúka sama knút, sigur Jens Jákup brosandi.

Jens Jákup hevur verið í Nýggjabergi og tikið gamal bummin og dragsa hann heim í garaguna, har hann er í ferð við at gera ein nýggja bumm, sum skal verða líka sum tann gamli.

Um viðrar verður farið í Nýggjaberg ein av døgunum í næstu viku, har ætlanin er at royna nýggja sigið í Nýggjabergi.

Hoyr samrøðuna við Jens Jákup í Summarmorgni.