Ætla at byggja íbúðir, har Restorffs bryggjarí var

Týsdagin verður kunnandi fundur um serstaka byggisamtykt millum J. Paturssonargøtu og Landavegin í Havn.

Fundurin verður í Posthúskjallaranum klokkan fimm.

Tórshavnar býráð hevur samtykt uppskot um at gera nýggja serstaka byggisamtykt millum J. Paturssonargøtu og Landavegin.

Uppskotið er at skipa økið við sethúsabygging, raðhúsabygging, tvíhúsabygging og íbúðarbygging umframt at loyva ítøkiliga íbúðarbygging á fýra matriklum.

Kommunan hevur fingið umsókn um loyvi at byggja íbúðir, har sum Restorff’s bryggjarí var.

Talan er um 24 ibúðir frá 28 fermetrum til 125 fermetrar.

Mótmæli ella broytingaruppskot skulu vera hjá kommununi í seinasta lagi 4. august.

Tórshavnar kommuna er farin at hava borgarafundir um ætlaðar broytingar í byggisamtyktum.