Hvørki ja ella nei

Árni Skaale úr Fólkaflokkinum er limur í Vinnunevndini hjá løgtinginum. Hann vil hvørki siga ja ella nei, um Fólkaflokkurin tekur undir við ætlanunum hjá Bárði á Steig Nielsen.

Landsstýrismaðurin hevur í tveimum umførum svarað grein 52 spurningum, har hann sigur, at hann í ár ætlar at útluta fleiri fiskidagar til bólk 5.

Andstøðan gongur í tveimum

Framsókn og Tjóðveldi taka ikki undir við hesi ætlanini.

Eirikur í Jákupsstovu úr Tjóðveldi og Ruth Vang, forkvinna í Framsókn, søgdu við Dag og viku fríggjakvøldið, at tey taka ikki undir við ætlanini.

Hinir báðir andstøðuflokkarnir, Sjálvstýri  og Miðflokkurin, taka undir við ætlanini hjá Bárði á Steig Nielsen.

Javnaðarflokkurin onga viðmerking

Ben Arabo úr Javnaðarflokkinum er formaður í Vinnunevndini. Við útvarpið sigur hann, at hann vil ikki úttala seg um málið nú.