93 bátsmanningar á ólavsøku

Av teimum eru 30 barnamanningar. Fimtan gentubátar og fimtan dreingjabátar. Barnaróðurin er millum klokkan tvey og trý, og til ber at fylgja við HER.

FM-róðrarnir hjá teimum vaksnu og hálvvaksnu byrja klokkan trý.  

Tað verða í alt tíggju róðrar millum klokkan trý og seks. Endabresturin verður millum 10. mannaførini, sum standa at byrja klokkan 17:50.

Størsta luttøkan er hjá 8-mannaførunum. Í ár eru 8-mannaførini ikki færri enn níggju í tali. 10-mannaførini eru afturímóti einans trý í tali. 

Tað verða ikki færri enn fýra beinleiðis finalur um FM-heitið á ólavsøku. Talan er um yngru manningarnar í 5. mannaførum, bæði gentur og dreingir, 6. mannafør menn, og 8. mannafør.

Kringvarpið sendir ólavsøkukappróðurin beinleiðis í útvarpi og sjónvarpi eftir setanarhaldið á Vaglinum. Sum nakað nýtt fer Kringvarpið at hava gestir í studio á bryggjuni millum róðrarnar.

Klokkutíðirnar
Í hesum yvirliti sæst, hvussu og nær, ið róð verður. Á ólavsøku plaga tíðirnar at vera toluliga eftirfarandi.

Kl. 15:00 

5. mannafør dreingir (14-16 ár)

8 bátar

 

Kl. 15:20

6. mannafør kvinnur

8 bátar

 

Kl. 15:40

5. mannafør gentur (14-16 ár)

6 bátar

 

Kl. 16:00

6. mannafør kvinnur (masters)

6 bátar

 

Kl. 16:20

5. mannafør dreingir (17-18 ár)

5 bátar

 

Kl. 16:40

6. mannafør menn

8 bátar

 

Kl. 17:00

5. mannafør gentur (17-18 ár)

5 bátar

 

Kl. 17:20

8. mannafør

9 bátar

 

Kl. 17:40

5. mannafør kvinnur

5 bátar

 

Kl. 17:50

10. mannafør

3 bátar