Nógv hava vitjað ólavsøkuframsýningina

Í ár hevur listamaðurin Edvard Fuglø valt verk hjá umleið 90 listafólkum til framsýningina, sum er á fleiri hæddum í bygninginum hjá Tórshavnar kommunu í Steinatúni.

Sambært Regini Vilhelm, kassameistara hjá Listafelag Føroya, riggar nýggi bygningurin væl til endamálið, og eisini listafólkini eru væl nøgd við umstøðurnar.

Ólavsøkuframsýningin hevur í mong ár húsast á Listaskálanum, men vegna umbyggingar varð framsýningin í ár flutt oman í Steinatún. Bygningurin hjá Tórshavnar kommunu riggar væl til høvi, og listafólkini lata væl at bygninginum.

Framsýningin í ár er sera fjølbroytt og allir aldursbólkar eru umboðaðir. Aftrat hesum umboðar gongin millum hæddinar listafólk, ið ikki eru millum okkum meira.

Tey vitjandi eru eisini væl nøgd um framsýningina. Vit fingu orðið á Súsonnu Hjalnafoss: