Ben Arabo: Onkur stuðulsskipan eigur at strikast og aðrar dagførast

Ben Arabo, javnaðartingmaður og formaður í Løgtingsins vinnunevnd, tekur í stóran mun undir við vinnulívsmanninum Atla Gregersen, stjóra í alifyritøkuni Hiddenfjord, sum í samrøðu við Frihedsbrevet mælir til at avtaka fleiri stuðulsskipanir á føroyska arbeiðsmarknaðinum, tí tær skeikla bæði arbeiðsmarknaðin og vinnuna.

Ein slík skipan er fiskavirkisskipanin hjá ALS, ein onnur er skipanin við serliga skattafrádráttinum til sjófólk.

Vinnunevndarformaðurin leggur dent á, at initiativið til dagføringar og møguligar strikingar av stuðulsskipanum eigur at koma frá landsstýrinum, og hann er varin við at avhøvda stuðulsskipanir fyri opnari mikrofon, men hann væntar ikki, at sjómannafrádráttinum er langt lív lagað. Grundleggjandi heldur Ben Arabo, at allar stuðulsskipanir eiga at eftirhyggjast við jøvnum millumbilum.

Hoyr innslag í útvarpstíðindunum her: