Felag hevur patent uppá fiskihátt

Triða felagið, sum hevur fingið royndarloyvi at fiska reyðæti á djúpum vatni í Bankarennuni, er Calanus í Havn. Hini bæði eru JFK í Klaksvík og Jupiter í Kollafirði, og innsløg um tær verkætlanirnar vóru í ávikavist Degi og Viku 18. juni og í útvarpstíðindunum á náttúrða leygardagin 15. august.

Petur Olsen, maskinmeistari, er stjóri í smápartafelagnum Calanus - tað er latínska navnið á reyðæti - og hann hevur sjálvur gingið fremst í menningini av ætlaða fiskiháttinum. Petur Olsen hevur longu fingið patent uppá tvær arbeiðsgongdir, sum eru partar av konseptinum, og triðja patentið verður væntandi fingið til høldar í næstum.

Nú verður farið undir at útvega tær fimm milliónir krónurnar í váðafúsum kapitali ella láni, sum felagnum tørvar fyri at kunna fara undir fyrsta stigið í verkætlanni.

Hoyr innslag í útvarpstíðindunum her:

Hoyr innslagið um royndarloyvið hjá felagnum Jupiter her:

Sí innslag í Degi og Viku um ætlanirnar hjá JFK um reyðæti