Pauli feyk avstað í tíðarsúkklingini

Pauli Poulsen var nógv skjótastur í tíðarsúkklingini í Vágum, har fyrsti teinurin í Leif Mohr Kring Føroyar varð súkklaður í gjár.

Skálamaðurin súkklaði teir 20 kilometrarnar á flata teininum úr FK í Miðvági til flogvøllin upp á 27 minuttir og 41 sekund - smáar tveir minuttir skjótari enn Bergtór Thorsteinsson (00:29:36), sum endaði á øðrum plássi.

Veteranurin Andrass Joensen (00:30:04) gjørdist nummar trý. Jónatan Gregersen vann hjá unglingum, og eingin kvinna stillaði upp til fyrsta teinin.

Í kvøld verður súkklað í Norðoyggjum. Teinurin er úr Klaksvík til Viðareiðis til Árnafjarðar, Haraldsund og aftur til Klaksvíkar.