Tveir nýggir gulir bátar

Kappróðarfelagið NSÍ skal hava ein nýggjan Eysturoying og ein nýggjan Heiðabát til komandi kappingarár

Seinastu árini hevur annars sigursvandi guli Eysturoyingurin ikki verið við í kappingini um føroyamestaraheitið. Men nú skal ein spildurnýggjur Eysturoyingur bjóða av aftur hjá 10-mannaførunum

Mynd: Savnsmynd

Emil Lisberg Jacobsen

31.08.2026 - 18:20

Tað eru eftirhondini nøkur ár síðan, at Eysturoyingur hjá kappróðrarfelagnum NSÍ taldist millum allarbestu 10-mannaførini og var í harðari kapping við serliga Klaksvíking.

Seinastu árini hevur Eysturoyingur ikki verið mannaður, men vónin er, at vend kemur í, nú Sámal Hansen smíðar ein nýggjan Eysturoying.

Ein orsøk til bjartskygni er, at Heiðabáturin var við í 8-mannaførunum í ár, har hann stóð seg væl og endaði á triðja plássi í samlaðu FM-kappingini. Og nú skal ein nýggjur Heiðabátur eisini byggjast.

Hoyrið innslag við Janusi Knudsen, formanni í kappróðrarfelagnum NSÍ, her:

1829732