Ætlanin at fáa Føroyar í ERASMUS+ heldur

Fyrst í 2027 verður søkt um góðkenning til Fróðskaparsetrið, so tað kann koma við í ERASMUS+ hjá ES í 2028.

Tað sigur Bárður á Lakjuni, landsstýrismaður, í svari til Bjørg Brynhildardóttur Egholm, løgtingskvinnu.

Hann sigur, at arbeiðið at fáa Føroyum atlimaskap gongur eftir ætlan.

Landsstýrismaðurin kann ikki siga enn, hvussu nógv, atlimaskapurin kostar, tí samráðingarnar eru ikki lidnar.

Tær vera lidnar seint í 2027.

Altjóða skrivstovan

Og altjóða skrivstovan hjá Fróðskaparsetrinum skal nýskipast og mennast.

Erasmus+ er skipan, sum stuðlar undir útbúgving, ungdóm, frítíðarvirksemi og ítrótt.

Undirvísingarstýrið søkir eftir kunningar- og samskiftisfólki til Erasmus+ skrivstovuna í Føroyum.

Tann, sum fær starvið, skal eisini fyrireika føroyska lutin í Erasmus+.

Umsóknarfreistin er 14. september.

Tjóðarskrivstovan kom 2025. Har er ein fulltrúi. Fleiri fólk vera sett, so hvørt brúk er fyri tí.