Ferðsluvanlukka kravt mannalív

Vaktleiðarin á politistøðini í Havn hevur enn ikki nógvar upplýsingar um ferðsluvanlukkuna í Klaksvík seinnapartin, ið kostaði einum 14 ára gomlum tannáringi lívið.

Vanlukkan hendi, tá ein motorsúkkla fór út av vegnum við tyrlupallin í Klaksvík. Enn fær løgreglan ikki upplýst, um fleiri fólk vóru við í vanlukkuni, ella tannáringurin sjálvur koyrdi motorsúkkluna. Tey avvarandi hava fingið boðini.

Løgreglan fekk fráboðanina klokkan 16:22 seinnapartin.

Sum nevnt fær løgreglan í løtuni ikki sagt so nógv um vanlukkuna í Klaksvík. Málið verður framvegis kannað og lýst nærri.