Eykajáttanir geva hall

Uppskotið um eykajáttanir, sum landsstýrismaðurin í fíggjarmálum kom í tingið við í gjár, hevur 25,3 mió. kr. í halli.

Tað mesta, 24,3 milliónir netto, fer til rakstur.

Pláss er fyri hallinum í dagførda rakstrarkarminum fyri 2026 sambært fíggjarpolitiska regluverkinum, sigur Fíggjarmálaráðið.

Løgtingið er biðið um at hækka játtanina til 27 kontur í fíggjarlógini.

Tað er eisini biðið um at lækka hana til nakrar fáar kontur.