Kane og Putellas vunnu gullbóltin

Enski Harry Kane og spanska Alexia Putellas vunnu gullbóltin á stórari gallaveistlu í Palladium Theatre í London í gjár.

Hjá monnum kappaðist Bayern-framherjin serliga ímóti Kylian Mbappé úr Fraklandi og Lamine Yamal úr Spania, meðan Putellas, sum spælir í Barcelona, vann frammanfyri pólska liðfelagnum Ewu Pajor og Khadija Shaw úr Manchester City.

Lamine Yamal og Vicky López úr Spania vunnu talentprísin, og ársins málverjar vóru eisini spanskir. Har vunnu Unai Simín og Athletic Club og Cata Coll úr Barcelona. 

Ársins venjari hjá kvinnum, Pere Romeu, kom eisini úr katalónska stórfelagnum, meðan vinnarin hjá monnum gjørdist spanski landsliðsvenjarin Luis de La Fuente.

Bukayo Saka úr Arsenal fekk Sócrates-heiðurslønina fyri vælgerandi samfelagsgagnligt arbeið. Enski landsliðsvongurin hevur arbeitt saman við fleiri vælgerðarstovnum í fleiri ár - millum annað Big Shoe, sum veitir heilivág og aðra hjálp til familjur í London og aðrastaðni kring heimin. 

Tað er France Football, sum letur gullbóltin ella Ballon d'Or, sum heiðurin kallast á fronskum.