Small States: Mia og Sanna sendu Føroyar í finaluna

Small States: Mia og Sanna sendu Føroyar í finaluna
Mia og Sanna Thorkildshøj vunnu avgerandi dystin í hálvfinaluni ímóti Luksemborg og sendu Føroyar í Small States-finaluna við 3-2 sigri samanlagt
Mia og Sanna Thorkildshøj vunnu avgerandi dystin á Luksemborg í hálvfinaluni
Mynd: Bjarni Árting Rubeksen  
 
31.10.2026 - 21:19

Tvíburðasystrarnar Mia og Sanna Thorkildshøj vunnu fimta og avgerandi dystin í hálvfinaluni ímóti Luksemborg og sendu Føroyar í finaluna í Small States-kappingini. 

Fill Felten og Zoé Sinico máttu lúta fyri føoyingunum, sum vunnu í tveimum settum 15-9 og 15-12 og avgjørdu javna liðdystin, sum endaði 3-2.

Føroyar fingu góða byrjan, tá Rúni Øster og Miriam í Grótinum vunnu 2-0 á luksemborgska parinum í blandaðum tvímansleiki, men Christian Berg Petersen tapti einmansleikin í tveimum settum.

Miriam í Grótinum var aftur á vøllinum til einmansleik við kvinnum og vann 15-8, 15-12 á Dariu Demchykhina, og so var 2-1 til Føroyar.

Luksemborg javnaði aftur, tá Yannick Feltes og Jérôme Paquet vunnu 2-0 á Magnusi Dal-Christiansen og Rúna Øster, men Mia og Sanna Thorkildshøj hildu høvdið kalt og tryggjaði Føroyum finaluplássið.

Ísland, sum føroyingarnir vunnu á í bólkaspælinum, verður mótstøðuliðið í finaluni, og lagt verður upp til satt grannabrak í morgin klokkan 13.00 í høllini á Hálsi.

Ísland vann Small States-kappingina í 2024, og Føroyar hava ongantíð fyrr vunni heiðursmerki. Í morgin verður tað annaðhvørt gull ella silvur.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Skipsboð
216603
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470