Landsverk var ímóti ætlanini hjá CIP

Landsverk var alla tíðina imóti tí, sum fór fram í samráðingunum við CIP um Skálafjarðartunnilin.

Tað segði Ewald Kjølbro, stjóri í Landsverki, tá hann í gjár varð avhoyrdur í kanningarmálinum um Skálafjarðartunnilin.

Landsverk óttaðist, at verkætlanin bleiv yvirkapitaliserað, tí CIP hevði frammanundan eina samstarvsavtalu við MT Højgaard, sum hevði við sær, at MT Højgaard fekk arbeiðið. Og tí skuldi arbeiði at gera tunnilin ikki bjóðast út.