VIDEO: West Hercules hugtók fólk

Heitt var á skip og bátar, sum eru í økinum, um at taka atlit til støddina og manneringarevnini hjá West Hercules, tá risastóri boripallurin stevndi inn um Eystnes og inn á Skálafjørðin. 

Og tað er ikki frítt, at føroyingar vóru hugtiknir av hesum óvanliga gesti, sum samstundis var óvaliga stórur. 

Nógv avmyndaðu ferðina hjá West Hercules inn á Skálafjrøðin. 

Nógv kavaraarbeiði

Nógv umvælingararbeiði skal gerast, og nógvur flutningur verður ímillum land og boripallin hesa tíðina.

Fyrstu tíðina verður serliga nógv kavaraarbeiði, tí heitir Runavíkar havn á óviðkomandi bátar at halda seg burtur frá virkisøkinum kring um boripallin. 

Runavíkar havn áleggur tí øllum bátum og skipum, sum ikki eru tengd at “West Hercules” og umvælingararbeiðnum, um ikki at koma nærri boripallinum enn 250 metrar. Hetta er galdandi frá komu til fráferð.