Føroya Rættur: KvF skal útflýggja myndir

Kringvarpið skal útflýggja politinum upptøkur, sum ikki eru vístar, av grindadrápinum í Sandagerði fyri ólavsøku.

Tað sigur Føroya rættur í einum úrskurði.

Ákæruvaldið bað rættin gera úrskurðin, tí ákæruvaldið skal nýta myndirnar í einum rættarmáli móti einum persóni hjá Sea Shepherd.

Liljan Weihe, tíðindaleiðari í Kringvarpinum, sigur, at tað er eitt prinsipp, at Kringvarpið ikki útflýggjar tilfar hjá journalistum og fotografum, sum ikki hevur verið alment, og tí hevur Kringvarpið sýtt politinum at fáa myndirnar.

Kringvarpið hevur kært úrskurðin hjá Føroya rætti til Landsrættin.

Mynd: Liljan Weihe, tíðindaleiðari í Kringvarpinum