Sigur nei til nýggjan býráðssal

Tær 20 milliónirnar eru betur farnar til okkurt annað enn til ein býráðssal, sum bara verður brúktur einar tríggjar tímar um mánaðin.

Tað sigur Jákup Dam í Tjóðveldi, sum var einasti limurin í Vinnunevndini í Tórshavnar býráð, sum ikki atkvøddi fyri at seta pening av til at leggja dekk í saltsiluna á Vestaru bryggju, har ætlanin er at byggja nýggjan býráðssal.