Hermenninir eiga at fáa hjálp

Tað hevur stóran týdning, at føroysku hermenninir, sum hava fingið post traumatiskt stress syndrom, fáa hjálp, tí PTSD hevur álvarsamar avleiðingar, sigur Tóra Petersen, Phd. í sálarfrøði. 

Hon sigur, at PTSD ávirkar familjulívið, arbeiðsføri og trivnaðin í gerandisdegnum.

Tað hevur eisini stóran týdning, at hermenninir fáa viðurkenning fyri tað, sum teir hava gjørt fyri eitt land í einum kríggi. Vit skulu burtur frá hugsanini, sum hevur verið, at hevur tú PTSD, ert tú ein veikur persónur, sigur Tóra Petersen.

Hon var gestur í Degi og Viku í kvøld.