Ólógligar plantur

Hald varð millum annað lagt á útgerð til at dyrka hasj.

Í fyrru atsóknini varð hald lagt á eina hamp-plantu, sum varð fjald í einum skápi. Skápið var eitt nú innrættað við viftu, ljósi og tæðingarskipan. 

Í seinnu atsóknini varð hald lagt á størri nøgdir av hasji. Talan var um hamp, sum hekk til turkingar og nýupptiknar plantur, sigur Hildur Hentze, dagligur leiðari á kriminaldeildini hjá løgregluni.

Ein 52 ára gamal og ein 29 ára gamal maður eru skuldsettir fyri brot á lóg um rúsevni.

Tað var gjøgnum kanningararbeiði hjá løgregluni í øðrum rúsevnismálum, at komið varð frá á hesi bæði støðini, sigur Hildur Hentze.