Gotland vann stórsigur á Føroyum

Føroyska kurvabóltslandsliðið fekk av at vita frá Gotlandi í dag. Vertirnir vunnu 90-33.

Meðan kurvabóltur enn er nýggj ítróttargrein hjá føroyingum í landsliðs- og oyggjaleikahøpi, so hava Gotlendingar stoltar siðvenjur.

Kurvabóltur er stór ítróttargrein í Gotlandi, og serliga kvinnurnar hava klárað seg væl. Felagið úr Visby bleiv svenskur meistari í 2005.

Føroyingar vóru aftanfyri frá byrjan, og munurin bleiv eisini stórur.

Gongdin:

15 min: 20-9

30 min: 46-12

45 min: 67-26

60 min: 90-33

Bastian Zachariassen, sum dagliga spælir kurvabólt í USA, bleiv toppskjútti fyri Føroyar við 14 stigum.