Vilja hava fiskidagar fyri eitt ár

Vilja hava fiskidagar fyri eitt ár
Andstøðan og samgongan í vinnunevndini eru samd um, at fiskidagarnir skulu vera galdandi í eitt ár afturat.
Savnsmynd
Samd um at leingja fiskidagarnar, men ikki um hvussu tað skal gerast
14.08.2017 - 20:00

Fiskidagarnir verða ásettir fyri 12 mánaðir, og ikki fýra mánaðir, soleiðis sum landsstýrismaðurin í fiskivinnumálum ætlaði. Tað er greitt, nú Vinnunevndin hjá løgtinginum er liðug at skriva álit.

Bæði andstøðan, sum hevur meirilutan í Vinnunevndini, og samgongan, eru samd um, at fýra mánaðir er eitt ov stutt tíðarskeið fyri vinnuna at leggja til rættis. 

Men meirilutin og minnilutin eru ikki samd um, hvussu fiskidagarnir skulu ásetast fyri teir 12 mánaðirnar í komandi fiskiári, sum byrjar 1.september.

Andstøðuumboðini í vinnunevndini kenna seg ikki trygg við, í eini skiftisskipan, at áseta fiskidagarnar í eini nýggjari lóg, sum skal leggjast fyri Løgtingið og samtykkjast seinni í ár. Tí mæla tey til at brúka verandi lóg um vinnuligan fiskiskap. 

Samgonguumboðini í vinnunevndini vísa á, at tað er at bera blak fyri eyguni á vinnuni at áseta teir 12 mánaðirnar í galdandi lóg. Tí fiski- og veiðiloyvini ganga út 31. desember í ár. Tí skulu teir síðstu átta mánaðirnir av komandi fiskiári ásetast í nýggju lógini, sum verður løgd fyri Løgtingið í næstum.

Bæði samgonga og andstøða mæla annars til at fiskidagarnir vera teir somu næsta fiskiár sum verandi fiskiár. Eisini verður mælt til, at óbrúktir fiskidagar kunnu flytast yvir um ársskiftið.

2.viðgerð av fiskidøgunum fyri næsta fiskiár verður í løgtinginum mikudagin.
 

 
Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486