Skilagott at fyrireika tunnilin nú

Henrik Old, landsstýrismaður, heldur tað vera skilagott longu nú at fara undir fyrireikingar til ein Suðuroyartunnil.

Hann sigur, at í 2024 skal landið hava sett tilsamans 400 milliónir kr. av til Eysturoyar- og Sandoyartunnilin, og tá ber til at halda fram at seta pening av til Suðuroyartunnilin.

Men fyrst skulu seismiskar kanningar og aðrar forkanningar gerast, so tilfar er klárt at taka støðu til, um farast skal undir Suðuroyartunnilin, sigur Henrik Old.