TAKS komið í rasshaft av viðmerkingum

TAKS er komið í rasshaft av sínum egnu viðmerkingum til kanningina av skattamálinum hjá Eik Banka.

Grannskoðaravirkið Spekt mátti brúka meira enn ein mánað at fáa TAKS at rætta sínar almennu viðmerkingar, tí grannskoðaravirkið var skeivt endurgivið.

Men TAKS vildi treyðugt rætta hetta, tí stovnurin stúrdi fyri, hvussu tað fór at taka seg út í fjølmiðlunum.

Eyðun Mørkøre, stjóri í TAKS, vil ikki gera samrøðu í dag, men TAKS sigur tó skrivligari viðmerking, at TAKS hevur ikki sagt nakað skeivt alment, og tí er ikki talan um eina rætting, men bert eina nágreining av viðmerkingunum hjá stovninum til kanningina hjá Bárði Larsen.