Eingin umsókn frá Koks um matstovu við Gjónna

Matstovan Koks ætlar at flyta í kendu húsini Frammi við Gjónna við Leynarvatn.

Atala er gjørd um at leiga húsini, men økið er friðað, og enn hava friðingarmyndugleikarnir onga umsókn fingið.

Jóhannes Jensen, stjóri í Gist og Vist, er burturstaddur, men hann sigur í stuttari viðmerking, at bíleggingar verða gjørdar við fyrivarni, til tey hava fingið neyðugu loyvini til húsini Frammi við Gjónna.