Vilja bróta tøgnina um fosturtøku

Fosturtøku er eitt orð, sum ikki má takast upp á tungu í Føroyum, men neyðugt er at bróta tøgnina, so lógin kann broytast.

Tað halda ungu kvinnurnar í rørsluni "Frítt val," sum í kvøld skipa fyri útvarpsbiografi í Sirkusi í Havn, har tríggjar dulnevndar kvinnur siga sína abortsøgu.

Tiltakið er eitt av mongum upp undir altjóða kvinnudagin 8. mars.

G.G. Kvinnan við svarta jakkanum í innslagnum er statistur, og myndirnar av henni eru tilgjørdar.