Gera ferðavinnumiðdepil í Skálavík

Mánakvøldsreportasjan hesaferð snýr seg um at tora at droyma stórt, hóast avbjóðingarnar eru nógvar og stórar.

Nýtt lív skal nú blásast í gamla og fallkomna handilsbygningin á Mølini í Skálavík, og í summar letur fyrst ein kafe upp í gamla bygninginum, sum eftir ætlan skal gerast ein ferðavinnumiðdepil fyri Sandoynna.

Tað er í øllum førum málið hjá Martini Karl Olsen og Biritu D. Olsen, sum hava keypt søguliga handilsbygningin í Skálavík.