Mangla fólk í frálandavinnuni

Lesandi á vinnuháskúlanum fingu í dag høvi at vitja umborð á frálandaskipinum, Esvagt Contender, tí felagnum tørvar manning til síni skip.

Esvagt er frálandafyritøka við høvuðssæti í Esbjerg, sum hevur merkt niðurgongdina í vinnuni væl.

Men nú er gongdin vend. Eftir at hava havt 12 skip liggjandi, eru øll skipini hjá fyritøkuni aftur í sigling, og tað krevur manning. 

Skipari umborð á Esvagt Contender er Jóannes Hansen, sum býr í Sørvági, og hann vísti næmingum runt umborð, meðan hann greiddi frá, hvat teir kunnu vænta, um teir søkja sær kjans við skipum hjá Esvagt. 

Vónin hjá føroyska skiparanum á Esvagt Contender er at fáa einar 10-15 umsóknir úr Føroyum.