Marita og H71 bastu VíF

Kvinnuliðini hjá VíF og H71 høvdu bæði fult stigatal áðrenn toppdystin sunnukvøldið.

Stóri spurningurin undan dystinum var, um ungu hoyvíkskvinnurnar megna at geva vestmenningum kapping í ár.

Og tann spurningurin var so sanniliga svaraður í høllini í Vestmanna sunnudagin. 

Marita Mortensen gekk á odda

Ein stjørna varð fødd í høllini í Vestmanna sunnukvøldið.

Hon eitur Marita Mortensen, og gekk á odda, tá hoyvíksgenturnar gjørdu tað ógjørliga og vunnu á greipuvinnarunum VíF - enntá á útivølli.

Ein onnur stjørna varð skadd í Vestmanna. Hon eitur Durita Jojic og noyddist av vøllinum síðst í fyrra hálvleiki.

Skaðin kann koma vestmenningum dátt við í ár. Serliga nú, tá tað vísir seg, at í øllum førum H71 ætla at bjóða av í ár.